Resultado Official di Aruba Paintball Series Cloudy Tournament 3 October 2010.

Aruba Paintball Series kier a informa e resultado official di nos di tres evento pa 2010 cu a tuma lugar dia 3 October 2010 na Parkietenbos. Nos por bisa cu nos a conta cu 9 equipo solido den e gran etapa aki.

Evento a cuminsa 12or di merdia cu un Capitan y Refree Meeting aki nan nos a pasa riba tur e reglanan di e series y kiko e Refreenan lo paga extra atencion riba dje. Asina tur participante lo ta na altura di esaki..

Weganan di prelims a cuminsa caminda tur 9 team lo mester a enfrenta otro den un wega di maximaal 5 minuut, caminda nan mester a captura e Centerflag y hiba esaki na e banda di nan opponente pa logra nan victoria. E puntacion tabata na lo sigiente;

Eliminated Player 5 punto (maximaal 25 punto).
Life Player 1 punto (maximaal 5 punto).
Center Flag Pull 20 punto (esaki ta pa e prome team cu captura e bandera).
Flag Hang 50 punto (pa e team cu completa esaki den e 5minuut)
Asina por a logra haya e score di 100 punto pa un wega perfecto.

Equiponan tabata hopi ansioso pa e weganan start. E Diadomingo aki tabata uno hopi nubla y cu posiblidad di awacero pero esaki no a stop niun di e teamnan cu a prepara pa e competencia aki. Weganan a start na tempo y bon cordina riba veld pa e crew di Refree cu tabata supervisa cada movemiento di e hungadornan riba cancha. E teamnan a demostra di tin hopi disiplina, nan tabata kla pa subi veld manera e wega a termina yudando e schedule cana na tempo y cordina.

E torneo tabata basta duro y e teamnan cu kier a sigi pa e sigiente buelta mester a lucha duro y gana por lo menos 4 di nan 8 weganan pa por a clasifica. Aki nan bo ta mira cu e nivel ta sigi bay halto y e hungadornan ta hayando e experencia cu nan mester pa lucha riba veld.

Aki Aruba Extreme Paintball Black a demostra di tabata un team pa tene cuenta cune como nan a gana 6 di nan 8 partido nan y asina laga nan clasifica cu e puesto #1. Un Team cu tin menos cu un anja ta practicando e deporte pero ta demostra cu ”Training makes Perfection”.

Sigi pa Kamikazi un team cu a dicidi di sigi e series na e di dos etapa pero cu hopi gana di gana. Nan a bin demostra esaki como cu ta e ultimo tres weganan a duna tur cu tin y a logra victoria riba esaki nan dunado nan e puesto #2 pa clasifica.

The Lost a bin logra derota Aruba Warriors den nan ultimo wega, lagando e Warriors nan cay afo y asina perde nan ventaha riba e point series. Pasando cu cuater gana pa tume e puesto #3.

Youngblood tambe a logra make e cut pa clasifica cu cuater gana tambe y haciendo nan un team basta consistent den e series y asina dunando nan e ultimo spot pa clasifica pa semi finals.

Aki por a mira cu e nivel di paintball ta basta halto y no por bisa cu tin un Team dominante, ta depende riba e dia ey ken por logra di duna su maximo y no duna niun eror den e weganan.

E sigiente buelta no ta algo facil como cu e perdedor di e wega lo wordo manda cas di biaha y asina lagando e ganador pa final.

Como Youngblood a clasifica di 4 puesto e mester a enfrenta Aruba Extreme Paintball Black cu ta e #1 den e etapa aki. Den un match cu a dura su maximaal di 5 minuut y a bay over pa conta e puntonan y Youngblood a cay ariba cu un hungador mas riba tereno cu Aruba Extreme Paintball Black dunando nan e derecho di sigi pa Finale y asina cabando cu un hopi bon torneo pa Aruba Extreme Black.

Den e otro banda nos tabata tin e match entre #2 Kamikazi y #3 The Lost. Un fayo chiquito di parti Kamikazi y The Lost a logra hinca un hungador den e parti di snake y e hungador aki a logra basha Kamikazi su fortalesa abao. Dunando The Lost nan prome taste di Finale.

Asina nos a yega na e finale entre Youngblood y The Lost caminda e wega mes a bay cu hopi suspence pasobra niun di dos team kier a haci e mistake pa perde e torneo. The Lost a purba nan strategia atrobe di hinca e hungador den e parti di snake cual a cuminsa desmantela e atake di Youngblood pero e defensa di Youngblood a logra saca e hungador aki afo y asina caba di domina e wega pa gana esaki 97 pa 15 riba The Lost y asina sali Champion di e Aruba Paintball Series Cloudy Tournament 2010.

Ranking Official pa Aruba Paintball Series 2010

Ganador nan a haya nan premio en effectivo conhuntamente cu nan Medaya.

Un danki ta bay na tur participante cu sin boso e show aki no tabata posibel, na tur e fanaticonan cu a bin apoya y presenta evento grandi aki pa nos hobennan di paintball. Na e staff y refree cu a haci esaki posibel.

Keda pendiente pa di Aruba Paintball Series Event #4 cu lo tuma lugar 28 November 2010.

Nos di Aruba Madness Paintball Association y Hot Triggers Paintball Supply kier a sigi stimula tur hoben pa practica deporte esaki ta un manera hopi sano y divertido pa mantene curpa y mente activo. Keda activo sea den paintball of cualkier deporte cu ta na bo gusto.

Pa mas informacion con pa drenta en contacto cu Paintball por tuma contacto cu nos via 594-298 of por email nos cualkier pregunta cu bo por tin.